ཧྥ་རན་སི།

དབྱིན་ཇིའི་གྲགས་ཅན་དུས་དེབ་སྟེང་གི་དཔྱད་རྩོམ་༣༠༠ལ་རྒྱ་གཞུང་གིས་གནོན་ཤུགས་སྤྲད་འདུག

ཕྱི་ཚེས་༢༡ ཉིན་བྷི་བྷི་སིའི་གཙོས་ཡོ་རོབ་གསར་ལམ་ཁག་གིས་སྤེལ་བའི་གནས་ཚུལ་ལྟར་ན། ཉེ་ཆར་ཕྱི་ཚེས་༡༨ ཉིན་དབྱིན་ཇིའི་ཀམ་པུར་ཇུའི་སློབ་གྲྭ་ཆེན་མོའི་Cambridge University དཔེ་སྐྲུན་ཁང་གིས་འདོན་སྤེལ་གནང་བཞིན་པའི་རྒྱ་ནག་དུས་དེབ་(The China Quarterly)ཞེས་བའི་དྲ་ཚིགས་སྟེང་གི་དཔྱད་རྩོམ་སུམ་བརྒྱ་ལ་རྒྱ་ནག་གཞུང་གིས་གནོན་ཤུགས་སྤྲད་དེ་ཕྱིར་འཐེན་བྱས་ཡོད་པ་དང་། དཔྱད་རྩོམ་དེ་དག་གི་བརྗོད་གཞི་ནི་བོད་དང་ཞིན་ཅང་། ཐེ་ཝན། ཧོང་ཀོང་། གནམ་བདེ་སྒོ་མོ་ཆེའི་དོན་རྐྱེན། རིག་གནས་གསར་བརྗེ་སོགས་དང་འབྲེལ་བ་ཡོད་པ་དང་། རིག་གསར་དང་འབྲེལ་བའི་དཔྱད་རྩོམ༡༢༧ ཡོད་པ་མང་ཤོས་ཆགས་ཡོད་པ་དང་། བོད་དོན་དང་འབྲེལ་བའི་དཔྱད་རྩོམ་༥༧ ཡོད་འདུག རྒྱ་ནག་གཞུང་གིས་ཀམ་པུར་ཇུའི་སློབ་ཆེན་གྱི་དཔར་སྐྲུན་ཁང་ལ་གལ་སྲིད་དཔྱད་རྩོམ་དེ་དག་དྲ་ཚིགས་སྟེང་ནས་ཕྱིར་འཐེན་མ་གནང་ཚེ་དྲ་ཚིགས་གཏན་འགོག་བྱ་རྒྱུ་ཡིན་ཚུལ་བརྗོད་ཡོད་འདུག ཀམ་པུར་ཇིའུ་སློབ་ཆེན་དཔེ་སྐྲུན་ཁང་གིས་རྒྱ་ནག་གི་གནོན་ཤུགས་ལ་མགོ་སྒུར་ཏེ་དཔྱད་རྩོམ་དེ་དག་དྲ་ཚིགས་སྟེང་ནས་ཕྱིར་འཐེན་གནང་རྗེས་འཛམ་གླིང་སློབ་ཆེན་ཁག་གི་སློབ་དཔོན་དང་ཤེས་ཡོན་ཅན་ཚོས་རྒྱ་གཞུང་གིས་རིག་གཞུང་ཞིབ་འཇུག་གི་ཁྱབ་ཁོངས་ལ་འདྲེ་ལག་བསྲིངས་པར་སྐྱོན་བརྗོད་བྱེད་པ་དང་། སློབ་དཔོན་ཆེན་མོ་སུམ་བརྒྱ་ལྷག་གིས་Change.org ཞེས་བའི་དྲ་ཚིགས་སྟེང་མཚན་རྟགས་བཀོད་དེ་དཔྱད་རྩོམ་དེ་དག་ཕྱིར་འཐེན་མི་གནང་བ་དང་རྒྱ་ནག་གཞུང་ལ་མགོ་སྒུར་མི་རུང་བའི་རེ་འབོད་ཞུས་ཡོད་འདུག དེ་རིང་ཕྱི་ཚེས་༢༡ ཉིན་རྒྱ་ནག་དུས་དེབ་ཀྱི་རྩོམ་སྒྲིག་པ་ཌེམ་པུར་གྷེལ་(Tim Pringle)གྱིས་རྒྱ་གཞུང་གི་བྱེད་སྟངས་ལ་བློ་ཕམ་ཡོད་པ་དང་དཔྱད་རྩོམ་དེ་དག་བསྐྱར་ཏུ་དྲ་ཚིགས་སྟེང་བཀོད་རྒྱུ་ཡིན་ཚུལ་བརྗོད་ཡོད་པ་མ་ཟད། རྒྱ་གཞུང་གིས་དེ་སྔ་ཡང་རྒྱ་ནག་ཞིབ་འཇུག་དུས་དེབ་སྟེང་གི་གློག་འཕྲུལ་དཔེ་དེབ་ཆིག་སྟོང་ཐམ་པ་ཕྱིར་འཐེན་བྱེད་དགོས་བའི་གནོན་ཤུགས་སྤྲད་ཡོད་པ་རེད་ཅེས་བརྗོད་འདུག ཀམ་པུར་ཇིའུ་སློབ་ཆེན་དཔེ་སྐྲུན་ཁང་ནི་སྤྱི་ལོ་༡༥༣༤

ཡོ་རོབ་རྒྱལ་ཁབ་གསུམ་ནང་ཁ་ཆེ་དྲག་སྤྱོད་པས་མི་གསོད་དོན་རྐྱེན་ཚབས་ཆེན་བཟོས་བ།

ཕྱི་ཚེས་༡༧ དང་༡༨ ཉིན་སི་པན་གྲོང་ཁྱེར་སྦར་སེ་ལོ་ནཱ་རུ་མོ་རོ་ཀོ་Morocco ནས་ཡིན་པའི་ཁ་ཆེ་དྲག་སྤྱོད་པ་ཞིག་གིས་(Las Ramblas)སྲང་ལམ་སྟེང་གི་མི་ཚོགས་ཁྲོད་རླངས་འཁོར་བཏང་སྟེ་མི་༡༣ བསད་ཡོད་ལ། ཉེན་རྟོག་པས་དོན་རྐྱེན་དེ་དང་འབྲེལ་ཡོད་ཁ་ཆེ་དྲག་སྤྱོད་པ་༤ འཛིན་བཟུང་བྱས་ཡོད་པ་དང་མི་གཅིག་ད་དུང་འཛིན་བཟུང་བྱས་ཐུབ་ཡོད་མི་འདུག དོན་རྐྱེན་དེ་བྱུང་ནས་ཆུ་ཚོད་བརྒྱད་ཀྱི་རྗེས་སུ་སི་པན་མཚོ་ཁའི་གྲོང་ཁྱེར་ཀམ་པུར་སུ་(Cambrils)ནང་དྲག་སྤྱོད་པ་ལྔ་ཡིས་Audi A3 རྟགས་ཅན་རླངས་འཁོར་གཏོང་སྟེ་མི་གཅིག་བསད་པ་དང་མི་གཉིས་ལ་རྨས་སྐྱོན་བཟོས་རྗེས་ཉེན་རྟོག་པའི་རླངས་འཁོར་ཞིག་ལ་བརྡབ་ཡོད་པ་དང་། དྲག་སྤྱོད་པ་ལྔ་བོ་རླངས་འཁོར་ལས་མར་བབས་སྐབས་ཉེན་རྟོག་པ་གཅིག་གིས་མེ་མདའ་བརྒྱབ་ཏེ་དྲག་སྤྱོད་པ་མི་བཞི་ཁ་ཐུག་དེར་བསད་ཡོད་པ་དང་། ཉེན་རྟོག་པ་གཞན་ཞིག་གིས་དྲག་སྤྱོད་པ་གཅིག་བསད་དེ་ཁྱོན་བསྡོམས་དྲག་སྤྱོད་པ་ལྔ་བོ་བསད་ཡོད་འདུག ཡང་ཕྱི་ཚེས་༡༨ ཉིན་ཡོ་རོབ་ཧྥིན་ལན་ཌི་Finlandརྒྱལ་ཁབ་ཀྱི་གྲོང་ཁྱེར་ཌོར་ཀའོ་Turkuནང་དུ་མོ་རོ་ཀོ་ནས་ཡོང་བའི་རང་ལོ་༡༨ ཅན་གྱི་ཁ་ཆེ་སྐྱབས་བཅོལ་བ་ཞིག་གིས་གང་བྱུང་གྲིས་བརྒྱབ་ཏེ་བུད་མེད་མི་གཉིས་བསད་ཡོད་པ་དང་མི་བརྒྱད་ལ་རྨས་སྐྱོན་ཕོག་པའི་དོན་རྐྱེན་བཟོས་ཡོད་ལ། ཉེན་རྟོག་པས་དྲག་སྤྱོད་དེ་ཡི་རྐང་བའི་ཐོག་མདའ་བརྒྱབ་ཏེ་རྨས་སྐྱོན་བཟོས་རྗེས་འཛིན་བཟུང་བྱས་ཡོད་འདུག དྲག་སྤྱོད་པ་དེ་༢༠༡༦ ལོའི་ལོ་སྟོད་ལ་ཧྥིན་ལན་ཌིའི་ནང་སྐྱབས་བཅོལ་ཞུས་ཡོད་པ་ཞིག་ཡིན་འདུག ཡང་ཕྱི་ཚེས་༡༩ ཉིན་ཨུ་རུ་སུའི་གྲོང་ཁྱེར་སུར་གྷོ་ཊི(Surgut)ནང་རང་ལོ་༡༩ ཅན་གྱི་ཁ་ཆེ་དྲག་སྤྱོད་པ་ཞིག་གིས་གང་བྱུང་གྲིས་བརྒྱབ་ཏེ་མི་བདུན་ལ་རྨས་སྐྱོན་བཟོས་ཡོད་པ་དང་། ཉེན་རྟོག་པས་མེ་མདའ་བརྒྱབ་ཏེ་དྲག་སྤྱོད་པ་དེ་བསད་ཡོད་འདུག གོང་གསལ་ཡོ་རོབ་ནང་གི་དྲག་སྤྱོད་དོན་རྐྱེན་དེ་ཚོ་ནི་ཨ་ཨེ་སུ་IISཁ་ཆེ་དྲག་སྤྱོད་ཚོགས་པ་ཡིས་སྐུལ་སློང་དང་འཆར་གཞིའི་འོག་ཁོང་ཚོའི་རྗེས་འཇུག་དམག་མི་ཡིས་སྤེལ་བ་ཡིན་ཚུལ་ཁོང་ཚོའི་གསར་འགྱུར་བརྒྱུད་ལམ་ཨ་མཱ་ཁའི་(Amaq)སྟེང་གནས་ཚུལ་སྤེལ་ཡོད་འདུག ཡོ་རོབ་བོད་གནས་དྲ་བའི་སྤེལ།

སིད་སུ།

སུད་སིའི་མི་ཚང་དྲུག་གིས་ཡུ་རོབ་གྲོས་ཚོགས་མདུན་དུ་བོད་དོན་ཞུ་འབོད་ཀྱི་ལས་འགུལ་སྤེལ་འདུག

༢༠༡༧ ཟླ ༥ ཚེས་༢ ཉིན་གཉིས་རིང་སུད་སིར་གནས་སྡོད་བོད་མི་ཁྱིམ་ཚང་དྲུག་གིས་མ་སྐུལ་དང་བླངས་ཐོག་ནས་སྦེལ་འཇམ་རྒྱལ་ས་སྦར་སེལ་ནང་གི་ཡུ་རོབ་མཉམ་འབྲེལ་མཐུན་ཚོགས་ཀྱི་ལས་ཁུངས་དང་ཡུ་རོབ་གྲོས་ཚོགས་ལས་ཁུངས་མདུན་ཐང་དུ་བོད་དོན་ལས་འགུལ་སྤེལ་ཡོད་འདུག་ཅིང་། ལས་འགུལ་འདིར་ཡུ་རོབ་སྤྱི་མཐུན་གྱི་ཨི་སི་ཏོ་ནི་ཡའི་ Estonia གྲོས་ཚོགས་འཐུས་མི་སྐུ་ཞབས་ (more…)

འཇར་མན།

འཇར་མན་གྱི་ཕྱིར་བསྐྱོད་ལག་ཁྱེར་ནི་འཛམ་གླིང་གི་ལག་ཁྱེར་ཨང་དང་པོ་ཆགས་འདུག

ཉེ་ཆར་དབྱིན་ལན་གྱི་མི་སེར་གནས་སྤོར་ཞིབ་འཇུག་ཁང་The Henly & Partnersཟེར་བའི་༢༠༡༦ ལོའི་འཛམ་གླིང་རྒྱལ་ཁབ་༢༡༩ ཡི་ཕྱིར་བསྐྱོད་ལག་ཁྱེར་གྱི་ཚད་འཛིན་ཨང་རིམ་(Visa Restrictions Index 2016)ལ་ཞིབ་འཇུག་བྱས་བའི་གྲུབ་དོན་སྙན་ཐོ་གསར་བ་ཞིག་བཏོན་ཡོད་པ་ལྟར་ན། འཇར་མན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ནི་རྒྱལ་ཁབ་༡༧༧ ནང་དུ་བསྐྱོད་པར་ཐོངས་མཆན་ཞུ་མི་དགོས་བར་ཐད་ཀར་འགྲོ་ཆོག་པའི་ལག་ཁྱེར་ཆགས་ཡོད་པས་ལོ་གཉིས་བསྟུན་མར་ཨང་དང་པོ་ཡིན་པ་དང་། ཨང་གཉིས་པ་ནི་ཡོ་རོབ་སིད་ཊན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༦ ནང་དུ་བསྐྱོད་པར་ཐོངས་མཆན་ཞུ་མི་དགོས་བ་རེད། ཨང་གསུམ་པ་ནི་ཡོ་རོབ་རྒྱལ་ཁབ་ཧྥིན་ལན་ཊིFinland དང་ཧྥ་རན་སི། ཨིས་ཊ་ལིས། སི་པན། དབྱིན་ལན་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༥ ལ་ཐོངས་མཆན་ཞུ་མི་དགོས་བ་དང་། ཨང་བཞི་བ་ནི་སྤེལ་ལྗམ་དང་ཧོ་ལན་ཊི། ཊན་མག ཨ་རི་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༤ལ་བསྐྱོད་པར་ཐོངས་མཆན་དགོས་ཀྱི་མེད་པ་རེད། ཨང་ལྔ་བ་ནི་ཨོ་སི་ཁྲི་རེའི་ཡ་དང་འཇར་པན་ཡིན་ལ་རྒྱལ་ཁབ་༡༧༣ ནང་བསྐྱོད་པར་ཐོངས་མཆན་ཞུ་དགོས་ཀྱི་མེད། ཨང་དྲུག་པ་ནི་ཁ་ན་ཊ་དང་ཀོ་རིའི་ཡ།

འཇར་མན་སྲིད་བློན་ལྕམ་ཨན་ཇི་ལ་མར་ཁེལ་ལ་རྒྱབ་སྐྱོར་གྱི་ཚད་མར་ཟགས་འདུག

ཁ་སང་ཚེས་༣༠ཉིན། འཇར་མན་༼Focus༽ དུས་དེབ་ཀྱིས་དམངས་ཁྲོད་དུ་བསམ་ཚུལ་བསྡུས་བ་ལྟར་ན། འཇར་མན་ནང་གི་མི་བརྒྱ་ཆའི་བཞི་བཅུ་ཙམ་གྱིས་སྲིད་བློན་ཨན་ཇི་ལ་མར་ཁེལ་ལགས་འཇར་མན་སྲིད་བློན་ནས་དགོངས་པ་ཞུ་དགོས་བའི་བསམ་ཚུལ་བྱུང་ཡོད་ལ། དེའི་རྒྱུ་མཚན་ནི་ན་ནིང་ཨན་ཇི་ལ་མར་ཁེལ་གྱིས་འཇར་མན་ནང་སྐྱབས་བཅོལ་བ་མི་གྲངས་ས་ཡ་གཅིག་ལྷག་ཙམ་སླེབས་ཏུ་བཅུག་ཡོད་ལ། སྐྱབས་བཅོལ་བ་ཚོས་འཇར་མན་ནང་དཀའ་རྙོག་མང་པོ་བཟོས་ཡོད་པས་ལྕམ་ཨན་ཇི་ལ་མར་ཁེལ་གྱིས་སྐྱབས་བཅོལ་ཐོག་འཛིན་པའི་སྲིད་ཇུས་ལ་འདོད་བློ་མ་ཁེངས་བའི་རྐྱེན་གྱིས་ཡིན་འདུག་ལ། (more…)

Top