ཧྥ་རན་སི།

སྤེལ་ལྗམ་དུ་བོད་དགེ་ཚོ་ལ་ཟབ་སྦྱོང་སྤྲད་འདུག

ཕྱི་ཚེས་༢༤ དང་༢༥ སྟེ་ཉིན་གཉིས་རིང་སྤེལ་ལྗམ་བོད་ཀྱི་ཆོས་རིག་འཛིན་སྐྱོང་ཁང་གིས་གོ་སྒྲིག་འོག་ཁྱབ་ཁོངས་འཇམ་དབྱངས་བློ་འཕེལ་སློབ་གྲྭའི་བོད་དགེ་རྣམས་ལ་བོད་ཀྱི་སྐད་ཡིག་ཁྲིད་ཐབས་ཀྱི་ཟབ་སྦྱོང་ཞིག་སྤྲད་ཡོད་འདུག་ལ། ཟབ་སྦྱོང་སྐོར་འཇམ་དབྱངས་བློ་འཕེལ་སློབ་གྲྭའི་ཤེས་ཡོན་འགན་འཛིན་བཀྲ་ཤིས་བདེ་ལེགས་ཀྱི་འདི་གའི་གསར་འགོད་པར་ངོ་སྤྲོད་གནང་དོན། ཐེངས་འདིར་འཇམ་དབྱངས་བློ་འཕེལ་སློབ་གྲྭའི་ས་གནས་ཁག་དྲུག་གི་བོད་ཡིག་དགེ་རྒན་༢༥ ཉིན་གཉིས་རིང་གི་ཟབ་སྦྱོང་ལ་ཞུགས་ཡོད་པ་དང་། ཟབ་སྦྱོང་སྤྲོད་མཁན་ནི་སི་པེན་རྒྱལ་ཁབ་ནས་ཡོང་བའི་ལྕམ་སཱ་མཱ་རཱ་Samaraལགས་ཡིན་ལ། ཁོ་མོས་དེ་སྔ་རྒྱ་གར་རྡ་རམ་སཱ་ལར་ཡོད་པའི་སཱ་ར་སློབ་གྲྭ་གཙོས་བོད་ཀྱི་དགོན་སྡེ་ཁག་ཅིག་ལའང་བོད་ཀྱི་སྐད་ཡིག་ཁྲིད་ཐབས་སྐོར་ཟབ་སྦྱོང་སྤྲད་ཡོད་འདུག ཟབ་སྦྱོང་སྤྲད་དགོས་བའི་དམིགས་ཡུལ་ནི་བོད་དགེ་ཚོའི་ཁྲོད་དེ་སྔ་རྒྱ་གར་ནས་དགེ་རྒན་བྱས་མྱོང་མཁན་དང་དགེ་རྒན་ཟབ་སྦྱོབ་ཐོབ་མཁན་རེ་ཟུང་ཡོད་པ་ལས་གཞན་མང་ཆེ་བ་དགེ་རྒན་ཐོག་མ་གནང་མཁན་ཡིན་ལ། འདི་གའི་སློབ་གྲྭ་རྒྱ་ཇེ་ཆེ་དང་སློབ་ཕྲུག་ཇེ་མང་དུ་འགྲོ་བཞིན་པ། སློབ་ཕྲུག་ཚོའི་བོད་སྐད་ཡིག་གི་ཆུ་ཚད་ཡར་རྒྱས་ཕྱིན་ཡོད་པ། ཕ་མ་ཚོས་ངོས་ནས་རྒྱབ་སྐྱོར་དང་འདོད་མོས་ཇེ་ཆེར་འགྲོ་བཞིན་པ་བཅས་གནད་དོན་མང་པོ་ཞིག་ལ་གཟིགས་ཏེ་དགེ་རྒན་ཚོ་ལ་ཟབ་སྦྱོང་འདི་གོ་སྒྲིག་བྱས་པ་ཡིན་ལ། དེ་སྔ་ཆོས་རིག་འཛིན་སྐྱོང་ཁང་གིས་བོད་དགེ་ཟབ་སྦྱོང་ཐེངས་ཁ་ཤས་ཤིག་སྤྲད་ཡོད་ནའང་ཐེངས་འདི་ནི་བོད་སྐད་ཡིག་ཁྲིད་ཐབས་སྐོར་གྱི་ཆེད་ལས་བ་གདན་འདྲེན་དང་བོད་དགེ་མང་པོ་ཚོགས་ཞུགས་གནང་ཡོད་པས་ཟབ་སྦྱོང་གྲ་རྒྱས་ཤོས་ཏེ་ཆགས་ཡོད་པ་རེད་ལ། ཟབ་སྦྱོང་གྲོལ་རྗེས་མཉམ་ཞུགས་གནང་མཁན་དགེ་རྒན་ཡོངས་ལ་དགེ་རྒན་འོས་དཔང་ཞེས་བའི་ཕྱག་འཁྱེར་རེ་ཕུལ་ཡོད་པ་རེད་བཅས་གསུངས་སོང་། ད་ལྟའི་ཆར་སྤེལ་ལྗམ་ས་ཁག་དྲུག་ཏུ་བཙུགས་ཡོད་པའི་འཇམ་དབྱངས་བློ་འཕེལ་སློབ་གྲྭའི་ནང་ཁྱོན་བསྡོམས་སློབ་ཕྲུག་གྲངས་༢༠༨ ཡོད་འདུག ཡོ་རོབ་བོད་གནས་དྲ་བའི་སྤེལ།

སྤེལ་ལྗམ་དུ་ན་གཞོན་རིག་རྩལ་དགོང་ཚོགས་སྐབས་དང་པོ་འཚོགས་འདུག

ཁ་སང་ཕྱི་ཚེས་༢༤ སྟེ་གཟའ་སྤེན་པའི་ཉིན། སྤེལ་ལྗམ་བོད་རིགས་ཚོགས་པའི་གོ་སྒྲིག་འོག་ཤེས་རབ་སྣང་བྱེད་སློབ་གྲྭ་དབུ་བརྙེས་ཏེ་ལོ་བཞི་འཁོར་བའི་དུས་དྲན་མཛད་སྒོ་དང་སྦྲགས་ན་གཞོན་རིག་རྩལ་དགོང་ཚོགས་སྐབས་དང་པོ་ཞེས་བ་འཚོགས་ཡོད་འདུག ཤེས་རབ་སྣང་བྱེད་སློབ་གྲྭའི་འགན་འཛིན་བྱམས་པ་ལགས་ཀྱིས་ཐེངས་འདིའི་མཛད་སྒོའི་སྐོར་འདི་གའི་གསར་འགོད་པར་ངོ་སྤྲོད་གནང་དོན། ཐེངས་འདིར་ཤེས་རབ་སྣང་བྱེད་སློབ་གྲྭ་དབུ་བརྙེས་ཏེ་ལོ་བཞི་འཁོར་བའི་དུས་དྲན་མཛད་སྒོ་འདི་ཁག་གཉིས་སུ་བགོས་ཏེ་འཚོགས་ཡོད་ལ། ཞོགས་པའི་མཛད་རིམ་ཁྲོད་སློབ་གྲྭའི་ལོ་གཅིག་གི་ལས་བསྡོམས་སྙན་སྒྲོན་དང་སྦྱངས་འབྲས་ཕུལ་ཏུ་བྱུང་བའི་སློབ་མ་རྣམས་ལ་གཟེངས་བསྟོད་ཕྱག་ཁྱེར་སྤྲད་པ། སྐུ་མགྲོན་གཙོ་བོ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་བླང་དོར་ལམ་སྟོན་གྱི་བཀའ་སློབ་བསྩལ་བ་བཅས་མཛད་རིམ་ཁག་གྲུབ་ཡོད་ལ། དགོང་དྲོའི་མཛད་རིམ་དུ་ན་གཞོན་རིག་རྩལ་དགོང་ཚོགས་སྐབས་དང་པོ་ཞེས་བ་སྤེལ་ཏེ་སློབ་ཕྲུག་ཚོས་འདས་བའི་ལོ་གཅིག་རིང་བོད་ཀྱི་སྲོལ་རྒྱུན་རིག་གཞུང་སྒྲ་སྙན་དང་ཞབས་བྲོ་སོགས་ལ་སྦྱངས་བརྩོན་གནང་བའི་གྲུབ་འབྲས་ཇི་བྱུང་མང་ཚོགས་ལ་གཟིགས་འབུལ་ཞུས་བ་ཡིན་ལ། དགོང་ཚོགས་འདི་བརྒྱུད་སློབ་ཕྲུག་ཚོ་ལ་བོད་ཀྱི་སྲོལ་རྒྱུན་རིག་གཞུང་འཁྲབ་སྟོན་གྱི་སྡིངས་ཆ་བསྐྲུན་རྒྱུ་དང་བོད་ཀྱི་རིག་གཞུང་ལ་དགའ་མོས་སླེབས་རྒྱུ་གལ་ཆེར་མཐོང་ནས་དམིགས་བསལ་གོ་སྒྲིག་བྱས་བ་ཞིག་ཡིན་ཅེས་གསུངས་སོང་། སྤེལ་ལྗམ་བོད་རིགས་ཚོགས་པའི་ཁྱབ་ཁོངས་་ཤེས་རབ་སྣང་བྱེད་སློབ་གྲྭ་ནི༢༠༡༣ ལོ་བཙུགས་པ་དང་༧ གོང་ས་མཆོག་གིས་ཤེས་རབ་སྣང་བྱེད་སློབ་གྲྭ་ཅེས་མཚན་རས་གསོལ་བསྩལ་གནང་ཡོད་འདུག་ལ། ད་ལྟའི་ཆར་སློབ་ཕྲུག་༡༥༠ ཙམ་ལ་གཟའ་ཉི་མའི་ཉིན་བོད་ཀྱི་སྐད་ཡིག་སློབ་ཁྲིད་དང་རིག་གཞུང་ངོ་སྤྲོད་གནང་མུས་ཡིན་འདུག ཡོ་རོབ་བོད་གནས་དྲ་བའི་སྤེལ།

སིད་སུ།

སུད་སིའི་མི་ཚང་དྲུག་གིས་ཡུ་རོབ་གྲོས་ཚོགས་མདུན་དུ་བོད་དོན་ཞུ་འབོད་ཀྱི་ལས་འགུལ་སྤེལ་འདུག

༢༠༡༧ ཟླ ༥ ཚེས་༢ ཉིན་གཉིས་རིང་སུད་སིར་གནས་སྡོད་བོད་མི་ཁྱིམ་ཚང་དྲུག་གིས་མ་སྐུལ་དང་བླངས་ཐོག་ནས་སྦེལ་འཇམ་རྒྱལ་ས་སྦར་སེལ་ནང་གི་ཡུ་རོབ་མཉམ་འབྲེལ་མཐུན་ཚོགས་ཀྱི་ལས་ཁུངས་དང་ཡུ་རོབ་གྲོས་ཚོགས་ལས་ཁུངས་མདུན་ཐང་དུ་བོད་དོན་ལས་འགུལ་སྤེལ་ཡོད་འདུག་ཅིང་། ལས་འགུལ་འདིར་ཡུ་རོབ་སྤྱི་མཐུན་གྱི་ཨི་སི་ཏོ་ནི་ཡའི་ Estonia གྲོས་ཚོགས་འཐུས་མི་སྐུ་ཞབས་ (more…)

འཇར་མན།

འཇར་མན་གྱི་ཕྱིར་བསྐྱོད་ལག་ཁྱེར་ནི་འཛམ་གླིང་གི་ལག་ཁྱེར་ཨང་དང་པོ་ཆགས་འདུག

ཉེ་ཆར་དབྱིན་ལན་གྱི་མི་སེར་གནས་སྤོར་ཞིབ་འཇུག་ཁང་The Henly & Partnersཟེར་བའི་༢༠༡༦ ལོའི་འཛམ་གླིང་རྒྱལ་ཁབ་༢༡༩ ཡི་ཕྱིར་བསྐྱོད་ལག་ཁྱེར་གྱི་ཚད་འཛིན་ཨང་རིམ་(Visa Restrictions Index 2016)ལ་ཞིབ་འཇུག་བྱས་བའི་གྲུབ་དོན་སྙན་ཐོ་གསར་བ་ཞིག་བཏོན་ཡོད་པ་ལྟར་ན། འཇར་མན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ནི་རྒྱལ་ཁབ་༡༧༧ ནང་དུ་བསྐྱོད་པར་ཐོངས་མཆན་ཞུ་མི་དགོས་བར་ཐད་ཀར་འགྲོ་ཆོག་པའི་ལག་ཁྱེར་ཆགས་ཡོད་པས་ལོ་གཉིས་བསྟུན་མར་ཨང་དང་པོ་ཡིན་པ་དང་། ཨང་གཉིས་པ་ནི་ཡོ་རོབ་སིད་ཊན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༦ ནང་དུ་བསྐྱོད་པར་ཐོངས་མཆན་ཞུ་མི་དགོས་བ་རེད། ཨང་གསུམ་པ་ནི་ཡོ་རོབ་རྒྱལ་ཁབ་ཧྥིན་ལན་ཊིFinland དང་ཧྥ་རན་སི། ཨིས་ཊ་ལིས། སི་པན། དབྱིན་ལན་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༥ ལ་ཐོངས་མཆན་ཞུ་མི་དགོས་བ་དང་། ཨང་བཞི་བ་ནི་སྤེལ་ལྗམ་དང་ཧོ་ལན་ཊི། ཊན་མག ཨ་རི་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༤ལ་བསྐྱོད་པར་ཐོངས་མཆན་དགོས་ཀྱི་མེད་པ་རེད། ཨང་ལྔ་བ་ནི་ཨོ་སི་ཁྲི་རེའི་ཡ་དང་འཇར་པན་ཡིན་ལ་རྒྱལ་ཁབ་༡༧༣ ནང་བསྐྱོད་པར་ཐོངས་མཆན་ཞུ་དགོས་ཀྱི་མེད། ཨང་དྲུག་པ་ནི་ཁ་ན་ཊ་དང་ཀོ་རིའི་ཡ།

འཇར་མན་སྲིད་བློན་ལྕམ་ཨན་ཇི་ལ་མར་ཁེལ་ལ་རྒྱབ་སྐྱོར་གྱི་ཚད་མར་ཟགས་འདུག

ཁ་སང་ཚེས་༣༠ཉིན། འཇར་མན་༼Focus༽ དུས་དེབ་ཀྱིས་དམངས་ཁྲོད་དུ་བསམ་ཚུལ་བསྡུས་བ་ལྟར་ན། འཇར་མན་ནང་གི་མི་བརྒྱ་ཆའི་བཞི་བཅུ་ཙམ་གྱིས་སྲིད་བློན་ཨན་ཇི་ལ་མར་ཁེལ་ལགས་འཇར་མན་སྲིད་བློན་ནས་དགོངས་པ་ཞུ་དགོས་བའི་བསམ་ཚུལ་བྱུང་ཡོད་ལ། དེའི་རྒྱུ་མཚན་ནི་ན་ནིང་ཨན་ཇི་ལ་མར་ཁེལ་གྱིས་འཇར་མན་ནང་སྐྱབས་བཅོལ་བ་མི་གྲངས་ས་ཡ་གཅིག་ལྷག་ཙམ་སླེབས་ཏུ་བཅུག་ཡོད་ལ། སྐྱབས་བཅོལ་བ་ཚོས་འཇར་མན་ནང་དཀའ་རྙོག་མང་པོ་བཟོས་ཡོད་པས་ལྕམ་ཨན་ཇི་ལ་མར་ཁེལ་གྱིས་སྐྱབས་བཅོལ་ཐོག་འཛིན་པའི་སྲིད་ཇུས་ལ་འདོད་བློ་མ་ཁེངས་བའི་རྐྱེན་གྱིས་ཡིན་འདུག་ལ། (more…)

Top