ཧྥ་རན་སི།

མཱ་ཁུ་རོན་དང་ལྕམ་ལི་པེན་གཉིས་ལ་ཧྥ་རན་སིའི་སྲིད་འཛིན་འོས་བསྡུ་ཆེན་མོའི་སྔོན་འགྲོ་རྒྱལ་ཁ་ཐོབ་འདུག

ད་ལྟ་རང་རེའུ་ཊར་གསར་ཁང་དང་བྷི་བྷི་སིའི་གསར་ཁང་གིས་སྤེལ་བའི་གནས་ཚུལ་ལྟར་ན། དེ་རིང་ཧྥ་རན་སིའི་སྲིད་འཛིན་འོས་བསྡུ་ཆེན་མོའི་སྔོན་འགྲོ་འོས་བསྡུའི་རྒྱལ་ཁ་དེ་མདུན་བསྐྱོད་ཚོགས་པའི་སྐུ་ཞབས་ཨེ་མན་ནུལ་མཱ་ཁུ་རོན་Emmanuel Macron དང་མི་རིགས་འཐབ་ཕྱོགས་ཚོགས་པའི་ལྕམ་མཱ་རེའི་ནུ་ལི་པེན་Marine Le Pen གཉིས་ལ་ཐོབ་ཡོད་འདུག་ལ། སྐུ་ཞབས་མཱ་ཁུ་རོན་ལ་འོས་གྲངས་བརྒྱ་ཆའི་༢༣;༧ ཐོབ་ཡོད་པ་དང་། ལྕམ་ལི་པེན་ལ་འོས་གྲངས་བརྒྱ་ཆའི་༢༡;༧ ཐོབ་ཡོད་འདུག་ལ། ཁོང་གཉིས་ཀྱིས་ཕྱི་ཟླ་༥ པའི་ཚེས་༧ ཉིན་སྲིད་འཛིན་འོས་བསྡུ་མཐའ་མའི་འགྲན་རྩོད་གནང་རྒྱུ་རེད་འདུག ཐེངས་འདིའི་སྲིད་འཛིན་འོས་བསྡུའི་སྔོན་འགྲོ་ཁྲོད་ཧྥ་རན་སིའི་ཆབ་སྲིད་ཚོགས་པ་ཆེ་ཤོས་གཉིས་སྟེ། གཡས་ཕྱོགས་སྤྱི་ཚོགས་རིང་ལུགས་ཚོགས་པའི་སྲིད་འཛིན་འོས་མི་ཧཱ་མོན་དང་གཡོན་ཕྱོགས་སྤྱི་མཐུན་ཚོགས་པའི་སྲིད་འཛིན་འོས་མི་ཧྥེ་ལོན་གཉིས་ལ་ཕམ་ཉེས་བྱུང་ཡོད་པས་ཧྥ་རན་སིའི་ཆབ་སྲིད་གནས་སྟངས་ལ་འགྱུར་བ་ཆེན་པོ་བྱུང་ཡོད་འདུག ཐེངས་འདིར་སྲིད་འཛིན་འོས་བསྡུའི་སྔོན་འགྲོ་རྒྱལ་ཁ་ཐོབ་མཁན་ལྕམ་ལི་པེན་གྱིས་གལ་སྲིད་ཁོ་མོ་སྲིད་འཛིན་ཆགས་ཚེ་ཕྱི་ལོགས་ཀྱི་མི་སེར་གནས་སྤོ་དང་སྐྱབས་བཅོལ་བའི་སྐོར་གྱི་སྲིད་ཇུས་ཇེ་མཁྲེགས་སུ་གཏོང་རྒྱུ་དང་། ཧྥ་རན་སིའི་རྒྱལ་ཁབ་དེ་ཡོ་རོབ་མཐུན་ཚོགས་ལས་ལོགས་སུ་ཐོན་རྒྱུ་དང་ཡོ་རོབ་སྒོར་མོ་བེད་སྤྱོད་མི་གཏོང་བ་སོགས་ཀྱི་གཏམ་བཤད་གནང་ཡོད། ཐེངས་འདིའི་སྔོན་འགྲོ་འོས་བསྡུའི་རྒྱལ་ཁ་ཨང་དང་པོ་ཐོབ་མཁན་སྐུ་ཞབས་མཱ་ཁུ་རོན་ནི་ཧྥ་རན་སིའི་དཔལ་འབྱོར་བློན་ཆེན་ཟུར་བ་དང་ད་ལྟ་རང་ལོ་༣༩ ཡིན་ལ། ཁོང་གིས་དཔལ་འབྱོར་བློན་ཆེན་གྱི་ལས་གནས་ནས་དགོངས་པ་ཞུས་ཏེ་མདུན་བསྐྱོད་ཚོགས་ཟེར་བ་བཙུགས་ཏེ་སྲིད་འཛིན་འོས་མི་ལ་ལངས་ཡོད་པ་དང་། ཁོ་རང་དེ་སྔ་གྲོས་ཚོགས་འཐུས་མི་གནང་མྱོང་མེད་པ་དང་ལོ་ནའང་གཞོན་པས་ཆབ་སྲིད་ཐད་ཉམས་མྱོང་ཆེན་པོ་མེད་མཁན་ཞིག་ཡིན་ཚུལ་བརྗོད་ཀྱི་ཡོད་མོད། ཡིན་ནའང་ཐེངས་འདིར་ཁོ་ལ་སྲིད་འཛིན་འོས་བསྡུའི་སྔོན་འགྲོ་རྒྱལ་ཁ་ཐོབ་རྗེས་ཧྥ་རན་སིའི་ད་ལྟའི་སྲིད་བློན་པུར་ནར་ཊི་གྷ་ཛན་བིས་Bernard Cazeneuveཀྱིས་འོས་བསྡུ་ཐེངས་གཉིས་བའི་སྐབས་ཧྥ་རན་སིའི་མི་མང་གིས་ཁོ་ལ་འོས་བླུགས་དགོས་ཅེས་བརྙན་འཕྲིན་ལས་གཏམ་བཤད་བྱས་ཡོད་པ་མ་ཟད། ཕམ་ཉེས་བྱུང་བའི་སྲིད་འཛིན་འོས་མི་ཧྥེ་ལོན་དང་ཧཱ་མོན་གཉིས་ཀྱིས་ཀྱང་མཱ་ཁུ་རོན་ལ་འོས་བླུགས་དགོས་བའི་འབོད་སྐུལ་གནང་ཡོད་འདུག

དམ་དྲག་འོག་ཧྥ་རན་སིའི་སྲིད་འཛིན་འོས་བསྡུ་ཆེན་མོའི་ལས་རིམ་འགྲོ་བཞིན་འདུག

དེ་རིང་ཕྱི་ཚེས་༢༣ སྟེ་གཟའ་ཉི་མའི་ཉིན་ཧྥ་རན་སིའི་སྲིད་འཛིན་འོས་བསྡུ་ཆེན་མོའི་སྔོན་འགྲོའམ་ལས་རིམ་དང་པོ་དེ་འགྲོ་བཞིན་ཡོད་པ་དང་། ཉིན་གསུམ་གྱི་སྔོན་ལ་ཧྥ་རན་སིའི་རྒྱལ་ས་ཕེ་རེ་སིའི་ཤཱམ་པུ་ཨེ་ལིས་སུ་ལམ་ཆེན་Champs-Élyséesསྟེང་ཁ་ཆེ་དྲག་སྤྱོད་པ་ཞིག་གིས་མེ་མདའ་བརྒྱབ་ཏེ་ཉེན་རྟོག་པ་གཅིག་བསད་པ་དང་ཉེན་རྟོག་པ་གཉིས་ལ་རྨས་སྐྱོན་ཕོག་པའི་འཇིགས་སྐུལ་དྲག་སྤྱོད་ཀྱི་དོན་རྐྱེན་ཚབས་ཆེན་བྱུང་ཡོད་པར་བརྟེན། ཐེངས་འདིར་ཧྥ་རན་སི་སྤྱི་མཐུན་རྒྱལ་ཁབ་ཀྱི་སྲིད་འཛིན་འོས་བསྡུ་ཐེངས་བཅུ་བ་དེ་ནི་ཧྥ་རན་སིའི་སྲིད་འཛིན་འོས་བསྡུའི་ལོ་རྒྱུས་སྟེང་ཛ་དྲག་ཉེན་སྲུང་གི་ཁྲིམས་ལུགས་ལག་བསྟར་འོག་འོས་བསྡུ་གནང་བ་ཐོག་མ་དེ་ཆགས་ཡོད་པ་མ་ཟད། ད་ལྟའི་ལས་ཐོགས་སྲིད་འཛིན་སྐབས་རྗེས་མའི་སྲིད་འཛིན་འོས་མི་ལ་མ་ལངས་བའི་གནད་དོན་ཐོག་མ་དེའང་ཆགས་ཡོད་འདུག དེ་རིང་ཞོགས་པའི་ཆུ་ཚོད་༨ ནས་དགོང་དྲོའི་ཆུ་ཚོད་༨བར་ཏུ་འོས་བསྡུ་ས་གནས་དྲུག་ཁྲི་དྲུག་སྟོང་ལྔ་བརྒྱ་ཞེ་དྲུག་གི་སྒོ་ཕྱེས་ཡོད་པ་དང་། འོས་བླུགས་མཁན་མི་གྲངས་ཁྲི་༤༦༨༧ གྱིས་དེབ་བསྐྱེལ་བྱས་ཡོད་འདུག་ལ། ཧྥ་རན་སིའི་རྒྱལ་ཡོངས་སུ་ཉེན་རྟོག་པ་ལྔ་ཁྲི་དང་དམག་མི་བདུན་སྟོང་གིས་བདེ་འཇགས་སྲུང་སྐྱོབ་ཀྱི་འགན་ཁུར་བཞིན་ཡོད་འདུག ཐེངས་འདིར་སྲིད་འཛིན་འོས་མི་ལ་ལངས་མཁན་མི་སྣ་བཅུ་གཅིག་ཡོད་པ་ལས་སྲིད་འཛིན་འོས་མི་ཧྥེ་ལོནFillon་དང་མཱ་ཁུ་རོནMacron། ལྕམ་ལི་པེན Le Pen། མེས་ལོང་ཞོནMelenchon། ཧཱ་མོནHamonབཅས་ལྔ་ལ་མི་མང་གི་རྒྱབ་སྐྱོར་ཅུང་ཚད་མཐོ་པོ་ཡོད་ནའང་ཁོང་ཚོའི་ཁྲོད་སུ་ཞིག་ལ་སྲིད་འཛིན་འོས་བསྡུའི་རྒྱལ་ཁ་ཐོབ་མིན་དེ་ད་ལྟའི་ཆར་ཚོད་དཔོད་བྱ་རྒྱུ་ཤིན་ཏུ་དཀའ་བའི་གནས་སུ་གྱུར་ཡོད་འདུག ཡོ་རོབ་བོད་གནས་དྲ་བའི་སྤེལ།

སིད་སུ།

སིད་སུའི་རྒྱ་ནག་གཞུང་ཚབ་ལས་ཁུངས་མདུན་དུ་བོད་མི་ཚོས་ངོ་རྒོལ་ལས་འགུལ་ཞིག་སྤེལ་འདུག

ཕྱི་ལོ་  ༢༠༡༦   ཟླ་  ༡༢  ཚེས་  ༡༩   རེས་གཟའ་ཟླ་བའི་དགོང་དྲོ་སིད་སུའི་་གྲོང་ཁྱེར་འཛུ་རིག་ཏུ་གནས་སྡོད་རྒྱ་མིའི་གཞུང་ཚབ་ལས་ཁུངས་མདུན་ཐང་དུ་ས་གནས་བོད་རིགས་མི་མང་སྒྲིག་འཛུགས་དང།  བོད་ཀྱི་མི་རབས་གསར་པའི་མཐུན་ཚོགས་ཐུན་མོང་གིས་གོ་སྒྲིག་འོག་གདུང་སེམས་མཉམ་བསྐྱེད་ཀྱི་ཞི་བའི་ངོ་རྒོལ་གྱི་ལས་འགུལ་ཞིག་སྤེལ་འདུག (more…)

འཇར་མན།

འཇར་མན་གྱི་ཕྱིར་བསྐྱོད་ལག་ཁྱེར་ནི་འཛམ་གླིང་གི་ལག་ཁྱེར་ཨང་དང་པོ་ཆགས་འདུག

ཉེ་ཆར་དབྱིན་ལན་གྱི་མི་སེར་གནས་སྤོར་ཞིབ་འཇུག་ཁང་The Henly & Partnersཟེར་བའི་༢༠༡༦ ལོའི་འཛམ་གླིང་རྒྱལ་ཁབ་༢༡༩ ཡི་ཕྱིར་བསྐྱོད་ལག་ཁྱེར་གྱི་ཚད་འཛིན་ཨང་རིམ་(Visa Restrictions Index 2016)ལ་ཞིབ་འཇུག་བྱས་བའི་གྲུབ་དོན་སྙན་ཐོ་གསར་བ་ཞིག་བཏོན་ཡོད་པ་ལྟར་ན། འཇར་མན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ནི་རྒྱལ་ཁབ་༡༧༧ ནང་དུ་བསྐྱོད་པར་ཐོངས་མཆན་ཞུ་མི་དགོས་བར་ཐད་ཀར་འགྲོ་ཆོག་པའི་ལག་ཁྱེར་ཆགས་ཡོད་པས་ལོ་གཉིས་བསྟུན་མར་ཨང་དང་པོ་ཡིན་པ་དང་། ཨང་གཉིས་པ་ནི་ཡོ་རོབ་སིད་ཊན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༦ ནང་དུ་བསྐྱོད་པར་ཐོངས་མཆན་ཞུ་མི་དགོས་བ་རེད། ཨང་གསུམ་པ་ནི་ཡོ་རོབ་རྒྱལ་ཁབ་ཧྥིན་ལན་ཊིFinland དང་ཧྥ་རན་སི། ཨིས་ཊ་ལིས། སི་པན། དབྱིན་ལན་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༥ ལ་ཐོངས་མཆན་ཞུ་མི་དགོས་བ་དང་། ཨང་བཞི་བ་ནི་སྤེལ་ལྗམ་དང་ཧོ་ལན་ཊི། ཊན་མག ཨ་རི་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༤ལ་བསྐྱོད་པར་ཐོངས་མཆན་དགོས་ཀྱི་མེད་པ་རེད། ཨང་ལྔ་བ་ནི་ཨོ་སི་ཁྲི་རེའི་ཡ་དང་འཇར་པན་ཡིན་ལ་རྒྱལ་ཁབ་༡༧༣ ནང་བསྐྱོད་པར་ཐོངས་མཆན་ཞུ་དགོས་ཀྱི་མེད། ཨང་དྲུག་པ་ནི་ཁ་ན་ཊ་དང་ཀོ་རིའི་ཡ།

འཇར་མན་སྲིད་བློན་ལྕམ་ཨན་ཇི་ལ་མར་ཁེལ་ལ་རྒྱབ་སྐྱོར་གྱི་ཚད་མར་ཟགས་འདུག

ཁ་སང་ཚེས་༣༠ཉིན། འཇར་མན་༼Focus༽ དུས་དེབ་ཀྱིས་དམངས་ཁྲོད་དུ་བསམ་ཚུལ་བསྡུས་བ་ལྟར་ན། འཇར་མན་ནང་གི་མི་བརྒྱ་ཆའི་བཞི་བཅུ་ཙམ་གྱིས་སྲིད་བློན་ཨན་ཇི་ལ་མར་ཁེལ་ལགས་འཇར་མན་སྲིད་བློན་ནས་དགོངས་པ་ཞུ་དགོས་བའི་བསམ་ཚུལ་བྱུང་ཡོད་ལ། དེའི་རྒྱུ་མཚན་ནི་ན་ནིང་ཨན་ཇི་ལ་མར་ཁེལ་གྱིས་འཇར་མན་ནང་སྐྱབས་བཅོལ་བ་མི་གྲངས་ས་ཡ་གཅིག་ལྷག་ཙམ་སླེབས་ཏུ་བཅུག་ཡོད་ལ། སྐྱབས་བཅོལ་བ་ཚོས་འཇར་མན་ནང་དཀའ་རྙོག་མང་པོ་བཟོས་ཡོད་པས་ལྕམ་ཨན་ཇི་ལ་མར་ཁེལ་གྱིས་སྐྱབས་བཅོལ་ཐོག་འཛིན་པའི་སྲིད་ཇུས་ལ་འདོད་བློ་མ་ཁེངས་བའི་རྐྱེན་གྱིས་ཡིན་འདུག་ལ། (more…)

Top