ཧྥ་རན་སི།

ཧྥ་རན་སིའི་སྲིད་བློན་ཀྱིས་སྲིད་འཛིན་འོས་མི་ལ་ལངས་ཀི་ཡིན་ཟེར།

ཕྱི་ཟླ་༡༢ པའི་ཚེས་༥ཉིན། ཧྥ་རན་སིའི་སྲིད་བློན་མན་ནུལ་ཝལ་སིManuel Vallsཡིས་སྲིད་བློན་ལས་ཁུར་ལས་དགོངས་པ་ཞུས་ཏེ་སྐབས་རྗེས་མའི་སྲིད་འཛིན་འོས་མི་ལ་ལངས་ཀི་ཡིན་པའི་གསལ་བསྒྲགས་སྤེལ་བ་དང་། ཁོང་གིས་ད་ལྟའི་གཞུང་འཛིན་ཚོགས་པ་སྟེ་སྤྱི་ཚོགས་ཚོགས་པའི་སྐུ་ཚབ་བྱེད་དེ་སྲིད་འཛིན་འོས་མིའི་འགྲན་རྩོད་ལ་ཞུགས་རྒྱུ་ཡིན་ཚུལ་བརྗོད་ཡོད་ལ། ད་ལྟའི་ཆར་སྤྱི་ཚོགས་ཚོགས་པའི་ནང་ཁུལ་ཏུ་སྲིད་འཛིན་འོས་མི་ལ་ལངས་མཁན་མི་བདུན་ཡོད་པ་དང་། ཚོགས་པ་ནང་ཁུལ་གྱི་སྲིད་འཛིན་འོས་མིའི་འགྲན་རྩོད་དེ་ལོ་རྗེས་མའི་ཕྱི་ཟླ་༡ པའི་ཚེས་༢༢ ཉིན་གནང་རྒྱུ་ཡིན་འདུག་ལ། གལ་སྲིད་མན་ནུལ་ཝལ་སི་ལ་རྒྱལ་ཁ་ཐོབ་ཚེ་ཁོང་གིས་སྤྱི་མཐུན་ཚོགས་པའི་སྲིད་འཛིན་འོས་མི་ཧྥ་རན་སོ་ཝ་ཧྥེ་ལོན་FrancoisFillonདང་ལྷན་སྲིད་འཛིན་གྱི་འོས་མིའི་འགྲན་རྩོད་དངོས་གཞི་ལ་ཞུགས་རྒྱུ་ཡིན་པའི་ཚོད་དཔོད་བྱེད་ཀྱི་ཡོད་པ་རེད། ཡང་ཉེ་ཆར་ད་ལྟའི་ཧྥ་རན་སིའི་སྲིད་འཛིན་ཧོ་ལང་ཊི་ཡིས་ཁོ་རང་སྐབས་རྗེས་མའི་སྲིད་འཛིན་འོས་མི་ལ་ལངས་ཀི་མིན་ཅེས་གསལ་བསྒྲགས་སྤེལ་ཡོད་ལ། དེ་ནི་ཧྥ་རན་སིའི་ལོ་རྒྱུས་སྟེང་སྲིད་འཛིན་ལས་ཐོགས་ཤིག་བསྐྱར་ཏུ་སྲིད་འཛིན་འོས་མི་ལ་མི་ལངས་མཁན་ཐོག་མ་དེ་ཆགས་ཡོད་འདུག་ལ། ཧྥ་རན་སིའི་མི་མང་ཁྲོད་ད་ལྟའི་སྲིད་འཛིན་ཧོ་ལང་ཊི་ལ་རྒྱབ་སྐྱོར་གྱི་ཚད་གཞི་ཧ་ཅང་དམའ་བོ་ལྷུང་ཡོད་པའི་རྐྱེན་གྱིས་ཁོ་རང་སྲིད་འཛིན་འོས་མི་ལ་བསྐྱར་ཏུ་ལངས་བ་ཡིན་ནའང་རྒྱལ་ཁ་ཐོབ་པའི་རེ་བ་ཧ་ཅང་ཁག་པོ་ཆགས་ཡོད་འདུག ཡོ་རོབ་བོད་གནས་དྲ་བའི་སྤེལ།

ཡོ་རོབ་མཉམ་འབྲེལ་མཐུན་ཚོགས་དང་ཡོ་རོབ་གྲོས་ཚོགས་སུ་བོད་དོན་ཞུ་གཏུག་གི་ལས་འགུལ་སྤེལ་འདུག

ཕྱི་ཟླ་༡༢ པའི་ཚེས་༦ཉིན་ཡོ་རོབ་སྤེལ་ལྗམ་རྒྱལ་ས་སྦར་སིལ་དུ་ཡོད་པའི་བོད་མིའི་སྒྲིག་འཛུགས་ཀྱི་སྐུ་ཚབ་དོན་གཅོད་ཁང་གིས་སྤེལ་བའི་གནས་ཚུལ་ལྟར་ན། དེང་སྐབས་ཞིང་གཤེགས་དམ་པ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ཀྱིས་ཡུ་རོབ་གྲོས་ཚོགས་ཀྱིས་གཙོས་ཡུ་རོབ་མཐུན་ཚོགས་སོགས་སུ་ཞུ་གཏུག་གི་ལས་འགུལ་སྤེལ་མུས་ལྟར།  སྦར་སེལ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་སྦར་སེལ་དུ་ཡུ་རོབ་མཐུན་ཚོགས་ཀྱི་འགྲོ་བ་མིའི་ཐོབ་ཐང་ཐོག་ཕྱག་ལས་གནང་མཁན་ཚོགས་པའི་ཚོགས་གཙོ་ལྕམ་ཨོ་བྷ་ར་ཡེན་ O’Brian ལགས་དང་། ཡུ་རོབ་མཐུན་ཚོགས་ཀྱི་ Working Group on Asia and Oceania (COASI) ཞེས་པའི་ཚོགས་གཙོ་སྐུ་ཞབས་ Grzegorzewski ལགས་དང་ལྷན་མཇལ་འཕྲད་གནང་འདུག སྐབས་དེར་སྦར་སེལ་དོན་ཁང་གི་བོད་དོན་རྒྱབ་སྐྱོར་ཞུ་གཏུག་ཚན་པའི་ལས་བྱེད་རིག་འཛིན་ཆོས་སྒྲོན་ལགས་དང་། ཉི་མ་ལྷ་མོ་ལགས། ཕྱི་དྲིལ་ལས་ཁུངས་ཀྱི་འགྲོ་བ་མིའི་ཐོབ་ཐང་ཚན་པའི་ལས་བྱེད་བསྟན་འཛིན་བསོད་ནམས་ལགས་བཅས་ལྷན་བཅར་ཞུས་འདུག མཇལ་འཕྲད་སྐབས་སྐུ་ཚབ་དོན་གཅོད་ཀྱིས་ཡུ་རོབ་མཐུན་ཚོགས་ཀྱི་འབྲེལ་ཡོད་འགན་འཛིན་རྣམ་པར་༸གོང་ས་མཆོག་ཡུ་རོབ་ཁུལ་དུ་ཆིབས་སྒྱུར་སྐོར་དང་། བོད་ནང་གི་ཛ་དྲག་གནས་སྟངས་སྤྱི་དང་། ལྷག་པར་གསེར་རྟ་བླ་རུང་སྒར་གཏོར་བཤིག་གཏོང་བཞིན་པའི་ཛ་དྲག་གནས་སྟངས། དེ་བཞིན་རིང་མིན་ཡུ་རོབ་མཐུན་ཚོགས་དང་རྒྱ་ནག་དབར་འགྲོ་བ་མིའི་ཐོབ་ཐང་ཐོག་གྲོས་མོལ་གནང་རྒྱུ་བཅས་ངོ་སྤྲོད་ཞུས་འདུག སྐབས་དེར་ཡུ་རོབ་མཐུན་ཚོགས་ཀྱི་འབྲེལ་ཡོད་འགན་འཛིན་རྣམ་པས་བོད་ཀྱི་གནད་དོན་ཐོག་མུ་མཐུད་སེམས་འཚབ་གནང་བཞིན་ཡོད་པ་མ་ཟད། ལྷག་པར་བོད་རྒྱ་འབྲེལ་མོལ་མཚམས་ཆད་པ་དེར་བློ་འཚབ་ཧ་ཅང་གནང་བཞིན་ཡོད་སྐོར་གསུངས་པ་དང་སྦྲགས། ཡུ་རོབ་མཐུན་ཚོགས་དང་རྒྱ་ནག་དབར་འགྲོ་བ་མིའི་ཐོབ་ཐང་ཐོག་གནས་སྟངས་བརྗེ་ལེན་བྱ་རྒྱུའི་ལྷན་ཚོགས་དེ་ཡང་འཚོགས་ཐུབ་མིན་ངེས་གཏན་མེད་པའི་གནས་སུ་ལྷུང་ཡོད་སྐོར་གསུངས།

སིད་སུ།

སིད་སི་རུ་བོད་ཀྱི་དཔའ་བོ་དཔའ་མོ་རྗེས་དྲན་མཛད་སྒོ་ཐེངས་བཞི་བ་ཚོགས་འདུག

ཟླ་༡༡ ཚེས་༢༦ ཉིན་སུད་སི་གྲོང་ཁྱེར་ཛུ་རིག་ནང་ནམ་ཁོ་རྫ་རྡོ་ལགས་ཀྱིས་གོ་སྒྲིག་འོག རྒྱལ་གཅེས་དཔའ་བོ་དཔའ་མོ་རྗེས་དྲན་ཐེངས་བཞི་བའི་མཛད་རིམ་རྒྱས་པ་ཞིག་འཚོག་གནང་ཡོད་འདུག གོང་ཚེས་ཉིན་སུད་སི་གནས་སྡོད་ནམ་ཁོ་རྫ་རྡོ་ལགས་ཀྱིས་གོ་སྒྲིག་འོག ད་ལྟའི་བར་བོད་བསྟན་སྲིད་མི་རིགས་ཀྱི་ཆེད་དུ་ལུས་སྲོག་ལོངས་སྤྱོད་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་དུས་རབས་དང་ལོ་རྒྱུས་ཀྱིས་བརྗེད་མི་སྲིད་པའི་རྗེས་དྲན་མཛད་སྒོ་ཞིག་བསྡུས་ཡོད་འདུག་ (more…)

འཇར་མན།

འཇར་མན་གྱི་ཕྱིར་བསྐྱོད་ལག་ཁྱེར་ནི་འཛམ་གླིང་གི་ལག་ཁྱེར་ཨང་དང་པོ་ཆགས་འདུག

ཉེ་ཆར་དབྱིན་ལན་གྱི་མི་སེར་གནས་སྤོར་ཞིབ་འཇུག་ཁང་The Henly & Partnersཟེར་བའི་༢༠༡༦ ལོའི་འཛམ་གླིང་རྒྱལ་ཁབ་༢༡༩ ཡི་ཕྱིར་བསྐྱོད་ལག་ཁྱེར་གྱི་ཚད་འཛིན་ཨང་རིམ་(Visa Restrictions Index 2016)ལ་ཞིབ་འཇུག་བྱས་བའི་གྲུབ་དོན་སྙན་ཐོ་གསར་བ་ཞིག་བཏོན་ཡོད་པ་ལྟར་ན། འཇར་མན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ནི་རྒྱལ་ཁབ་༡༧༧ ནང་དུ་བསྐྱོད་པར་ཐོངས་མཆན་ཞུ་མི་དགོས་བར་ཐད་ཀར་འགྲོ་ཆོག་པའི་ལག་ཁྱེར་ཆགས་ཡོད་པས་ལོ་གཉིས་བསྟུན་མར་ཨང་དང་པོ་ཡིན་པ་དང་། ཨང་གཉིས་པ་ནི་ཡོ་རོབ་སིད་ཊན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༦ ནང་དུ་བསྐྱོད་པར་ཐོངས་མཆན་ཞུ་མི་དགོས་བ་རེད། ཨང་གསུམ་པ་ནི་ཡོ་རོབ་རྒྱལ་ཁབ་ཧྥིན་ལན་ཊིFinland དང་ཧྥ་རན་སི། ཨིས་ཊ་ལིས། སི་པན། དབྱིན་ལན་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༥ ལ་ཐོངས་མཆན་ཞུ་མི་དགོས་བ་དང་། ཨང་བཞི་བ་ནི་སྤེལ་ལྗམ་དང་ཧོ་ལན་ཊི། ཊན་མག ཨ་རི་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༤ལ་བསྐྱོད་པར་ཐོངས་མཆན་དགོས་ཀྱི་མེད་པ་རེད། ཨང་ལྔ་བ་ནི་ཨོ་སི་ཁྲི་རེའི་ཡ་དང་འཇར་པན་ཡིན་ལ་རྒྱལ་ཁབ་༡༧༣ ནང་བསྐྱོད་པར་ཐོངས་མཆན་ཞུ་དགོས་ཀྱི་མེད། ཨང་དྲུག་པ་ནི་ཁ་ན་ཊ་དང་ཀོ་རིའི་ཡ།

འཇར་མན་སྲིད་བློན་ལྕམ་ཨན་ཇི་ལ་མར་ཁེལ་ལ་རྒྱབ་སྐྱོར་གྱི་ཚད་མར་ཟགས་འདུག

ཁ་སང་ཚེས་༣༠ཉིན། འཇར་མན་༼Focus༽ དུས་དེབ་ཀྱིས་དམངས་ཁྲོད་དུ་བསམ་ཚུལ་བསྡུས་བ་ལྟར་ན། འཇར་མན་ནང་གི་མི་བརྒྱ་ཆའི་བཞི་བཅུ་ཙམ་གྱིས་སྲིད་བློན་ཨན་ཇི་ལ་མར་ཁེལ་ལགས་འཇར་མན་སྲིད་བློན་ནས་དགོངས་པ་ཞུ་དགོས་བའི་བསམ་ཚུལ་བྱུང་ཡོད་ལ། དེའི་རྒྱུ་མཚན་ནི་ན་ནིང་ཨན་ཇི་ལ་མར་ཁེལ་གྱིས་འཇར་མན་ནང་སྐྱབས་བཅོལ་བ་མི་གྲངས་ས་ཡ་གཅིག་ལྷག་ཙམ་སླེབས་ཏུ་བཅུག་ཡོད་ལ། སྐྱབས་བཅོལ་བ་ཚོས་འཇར་མན་ནང་དཀའ་རྙོག་མང་པོ་བཟོས་ཡོད་པས་ལྕམ་ཨན་ཇི་ལ་མར་ཁེལ་གྱིས་སྐྱབས་བཅོལ་ཐོག་འཛིན་པའི་སྲིད་ཇུས་ལ་འདོད་བློ་མ་ཁེངས་བའི་རྐྱེན་གྱིས་ཡིན་འདུག་ལ། (more…)

Top