ཧྥ་རན་སི།

༧གོང་ས་མཆོག་དང་མཇལ་འཕྲད་གནང་རྐྱེན་ཡོ་རོབ་གྲོས་ཚོགས་འཐུས་མི་ཚོ་རྒྱ་ནག་ཏུ་བསྐྱོད་ཐུབ་ཡོད་མི་འདུག

ཡོ་རོབ་གྲོས་ཚོགས་ཀྱི་མགོ་ཁྲིད་ཚོས་༧གོང་ས་མཆོག་ལ་མཇལ་འཕྲད་གནང་བར་བརྟེན་བདུན་ཕྲག་འདིའི་ནང་ཡོ་རོབ་གྲོས་ཚོགས་ཀྱི་འཐུས་མི་ཁག་ཅིག་རྒྱ་ནག་ཏུ་འཚམས་གཟིགས་སུ་བསྐྱོད་ཐུབ་ཡོད་མི་འདུག་ལ། གནད་དོན་དེའི་ཐད་དེ་རིང་ཕྱི་ཚེས་༡༩ ཉིན་རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པ་ལོའོ་ཁཱང་གིས་གསར་འགོད་པ་ཚོར་བརྗོད་དོན་ལྟར་ན། ཡོ་རོབ་གྲོས་ཚོགས་ཀྱི་ཚོགས་གཙོ་མར་ཊིན་ཤལ་ཛི་ Martin Schulz དང་ཕྱི་སྲིད་ལྷན་ཚོགས་ཀྱི་ཚོགས་གཙོ་ཨེ་མཱར་པོར་ཀར་Elmar Brokerགཉིས་ཀྱིས་རྒྱ་ནག་གི་ངོ་རྒོལ་ལ་སྣང་མེད་ཀྱིས་ཏཱ་ལའི་བླ་མ་དང་མཇལ་འཕྲད་གནང་བ་ནི་ཡོ་རོབ་ལྷན་ཚོགས་ཀྱིས་རྒྱ་ནག་ལ་ཁས་ལེན་བྱས་ཡོད་པའི་བོད་ཀྱི་གནད་དོན་ཐད་ཀྱི་ལངས་ཕྱོགས་དང་རྒྱབ་འགལ་ཆགས་ཡོད་པ་རེད་ལ། རྒྱ་ནག་གིས་ཡོ་རོབ་གྲོས་ཚོགས་ཀྱི་ནོར་འཁྲུལ་ཅན་གྱི་བྱ་སྤྱོད་ལ་མཐའ་གཅིག་ཏུ་ངོ་རྒོལ་ཡོད་ལ་རང་དགར་འཇོག་རྩིས་ཡང་མེད། བོད་ཀྱི་གནད་དོན་ནི་རྒྱ་ནག་གི་རྩ་བའི་ཁེ་ཕན་དང་མི་རིགས་ཀྱི་བརྩེ་བ་དང་འབྲེལ་ཆགས་ཡོད་པས། རྒྱ་ནག་ཕྱོགས་ནས་རྒྱལ་ཁབ་དང་ཚོགས་སྡེ་སུ་ཞིག་གི་གཞུང་འབྲེལ་མི་སྣས་ཏཱ་ལའི་བླ་མ་དང་རྣམ་པ་ཅི་འདྲ་ཞིག་གི་འོག་ནས་མཇལ་འཕྲད་གནང་བར་ངོ་རྒོལ་ཡོད་པ་དང་། ཐེངས་འདིར་ཡོ་རོབ་གྲོས་ཚོགས་ཀྱི་མགོ་ཁྲིད་མི་སྣས་རང་གི་བསམ་འདོད་ལྟར་ནོར་འཁྲུལ་ཅན་གྱི་ལངས་ཕྱོགས་མཁྲེགས་བཟུང་བྱས་པ་དེ་ཡིས་རྒྱ་ནག་གི་རྩ་བའི་ཁེ་ཕན་ལ་གནོད་སྐྱོན་ཐེབས་ཡོད་པ་དང་། ཡོ་རོབ་གྲོས་ཚོགས་ཀྱི་འབྲེལ་ཡོད་མགོ་ཁྲིད་ཚོས་ནོར་འཁྲུལ་ཡོ་བསྲང་དང་ལྡོག་ཕྱོགས་ཀྱི་ཤུགས་རྐྱེན་སེལ་ཐབས་གནང་བའི་རེ་བ་ཡོད་ཅེས་བརྗོད་འདུག ཡོ་རོབ་གྲོས་ཚོགས་ཀྱི་དྲ་རྒྱའི་སྟེང་བཀོད་པ་ལྟར་ན། ཡོ་རོབ་གྲོས་ཚོགས་ཀྱི་ཕྱི་སྲིད་ལས་དོན་ལྷན་ཚོགས་ཀྱིས་གདན་འདྲེན་ཞུས་བ་ལྟར་༧གོང་ས་མཆོག་ཕྱི་ཚེས་༡༥ ཉིན་སི་ཊར་སི་སྦག་གྲོང་ཁྱེར་ཏུ་ཡོད་པའི་ཡོ་རོབ་གྲོས་ཚོགས་ལས་ཁུངས་སུ་ཕེབས་ཏེ་ཚོགས་གཙོ་མར་ཊིན་ཤལ་ཛི་དང་མཇལ་འཕྲད་གནང་ཡོད་པ་དང་སྦྲགས་ཡོ་རོབ་གྲོས་ཚོགས་ནང་དུ་གསུང་བཤད་གནང་ཡོད་འདུག གཞན་དེ་རིང་ཕྱི་ཚེས་༡༩ ཉིན་རྒྱབ་ཆུ་ཚོད་༢ བའི་སྟེང་༧ གོང་ས་མཆོག་སྟོན་འཁོར་ལྷན་རྒྱས་ཤར་ཡོ་རོབ་རྒྱལ་ཁབ་པོ་ལན་ཊི་རྒྱལ་ཁབ་ཀྱི་གྲོང་ཁྱེར་Wroclaw ནང་དུ་ཞབས་སོར་བདེ་བར་འཁོད་ཡོད་པ་དང་། རྒྱལ་ཁབ་དེའི་ནང་གི་བོད་དོན་རྒྱབ་སྐྱོར་བ་གྲོས་ཚོགས་འཐུས་མི་སྐོར་ཞིག་གིས་༧གོང་ས་མཆོག་ལ་དགའ་བསུའི་སྣེ་ལེན་གཟབ་རྒྱས་ཞུས་བ་དང་སྦྲགས་བཀའ་མོལ་ལྷུག་པོ་གནང་ཡོད་འདུག་ལ། ༧གོང་ས་མཆོག་གིས་གྲོང་ཁྱེར་Wroclaw ནང་དུ་ཉིན་གསུམ་རིང་མཛད་འཕྲིན་སྐྱོང་རྒྱུ་ཡིན་འདུག པར། ༧གོང་ས་མཆོག་གིས་པོ་ལན་ཊི་བོད་དོན་རྒྱབ་སྐྱོར་བ་གྲོས་ཚོགས་འཐུས་མི་ཚོ་དང་ལྷན་བཀའ་མོལ་གནང་བཞིན་པ། ཡོ་རོབ་བོད་གནས་དྲ་བའི་སྤེལ།

ཡུ་ཊོབ་ཚང་གིས་༧གོང་ས་མཆོག་གི་གསུང་ཆོས་དྲ་བརྙན་ཁག་སྒོ་བརྒྱབ་ཡོད་འདུག

དེ་རིང་ཕྱི་ཟླ་༩ བའི་ཚེས་༡༨ ཉིན། ཧྥ་རན་སིའི་རླུང་འཕྲིན་ཁང་གིས་སྤེལ་བའི་གནས་ཚུལ་ལྟར་ན། མིག་སྔར་༧གོང་ས་མཆོག་གིས་ཧྥ་རན་སིའི་གྲོང་ཁྱེར་སི་ཊར་སི་སྦག་ཏུ་དད་ལྡན་སྟོང་ཕྲག་བརྒལ་བར་བཀའ་ཆོས་གནང་བཞིན་ཡོད་པ་དང་། ཐེངས་འདིར་༧གོང་ས་མཆོག་སི་ཊར་སི་སྦག་ཏུ་གདན་འདྲེན་གནང་མཁན་ནང་ཆོས་མཐུན་ཚོགས་ཀྱིས་ཁ་སང་གཟའ་སྤེན་པའི་ཉིན་གནས་ཚུལ་བརྗོད་པ་ལྟར་ན། ཡུ་ཊོབ་དྲ་བརྙན་YouTube ཚང་གིས་༧གོང་ས་མཆོག་གིས་སི་ཊར་སི་སྦག་ཏུ་སྐྱོང་བཞིན་པའི་མཛད་འཕྲིན་གྱི་དྲ་བརྙན་ཁག་སྒོ་བརྒྱབ་ཡོད་པ་དང་། ཡུ་ཊོབ་དྲ་བརྙན་ཚང་གིས་སྒོ་བརྒྱབ་དགོས་དོན་གྱི་རྒྱུ་རྐྱེན་ཅི་ཡིན་ཤེས་མ་སོང་ཅེས་བརྗོད་འདུག གནས་ཚུལ་དེ་ཐོག་མར་ཧྥ་རན་སིའི་གསར་འགྱུར་ཚགས་པར་Alsace Daily Newསྟེང་ཐོན་ཡོད་པ་དང་། ནང་ཆོས་མཐུན་ཚོགས་ཀྱིས་གནས་ཚུལ་དེ་ཁུངས་བདེན་ཡིན་པ་ཁོང་ཚོའི་དྲ་རྒྱའི་སྟེང་བཀོད་ཡོད་པ་དང་ལྷན་ཡུ་ཊོབ་ཚང་གིས་༧གོང་ས་མཆོག་གི་སི་ཊར་སི་སྦག་གི་མཛད་འཕྲིན་དྲ་བརྙན་སྒོ་བརྒྱབ་ཡོད་ནའང་དོ་སྣང་ཅན་ཚོས་ཧྥ་རན་སིའི་དྲ་རྒྱ་Dailymotion དང་ངོ་དེབ་བརྒྱུད་གཟིགས་རྟོགས་ཐུབ་པའི་ལམ་སྟོན་གནང་ཡོད་འདུག ཧྥ་རན་སིའི་གྲགས་ཅན་གསར་ཁང་ཨེ་ཕེAPཡིས་གནས་ཚུལ་བཀོད་པ་ལྟར་ན། ཡུ་ཊོབ་དྲ་བརྙན་སྟེང་༧གོང་ས་མཆོག་གི་གསུང་བཤད་དྲ་བརྙན་བརྒྱ་ཕྲག་ལྷག་ལ་ད་དུང་ལྟ་ཐུབ་ཀྱི་འདུག་ལ། ཨེ་ཕེ་གསར་ཁང་གིས་ནང་ཆོས་མཐུན་ཚོགས་ལ་འབྲེལ་བ་བྱེད་དེ་གནས་ཚུལ་དེའི་ཐད་གསལ་བཤད་འཕར་མ་ཞིག་རག་ཐབས་གནང་ཡོད་ནའང་འབྲེལ་བ་བྱེད་ཐུབ་མ་སོང་ཅེས་བརྗོད་འདུག ཐེངས་འདི་ནི་༧གོང་ས་མཆོག་ལོ་ལྔའི་རྗེས་སུ་སི་ཊར་སི་སྦག་ཏུ་ཕེབས་ཐེངས་ཐོག་མ་དེ་ཡིན་ལ་ཕྱི་ཚེས་༡༥ ཉིན་༧གོང་མཆོག་གིས་ཡོ་རོབ་གྲོས་ཚོགས་ཀྱི་ཚོགས་གཙོ་སྐུ་ཞབས་མར་ཊིན་ཤལ་ཛི་ MartinSchulz མཆོག་དང་ཡོ་རོབ་ལྷན་ཚོགས་ཀྱི་སྤྱི་ཁྱབ་དྲུང་ཆེ་ ThorbjørnJagland མཆོག ཡོ་རོབ་མཐུན་ཚོགས་ཀྱི་གྲོས་ཚོགས་ཚོགས་གཙོ་ PedroAgramunt

སིད་སུ།

སུད་སི་རུ་བོད་དོན་ཞུ་གཏུག་གི་ལས་འགུལ་ཐེངས༥༦པ་སྤེལ་འདུག

ཕྱི་ལོ་༢༠༡༦ཟླ་༨ ཚེས་༡༠ ཉིན་ཁྱིམ་ཚང་དྲུག་གི་རྒྱལ་ཚོགས་སུ་བོད་དོན་ཞུ་གཏུག་གི་ལས་འགུལ་ཐེངས་༥༦ པ་དེ་སུད་སི་ཇི་ནེ་ཝ་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་མི་གྲངས་བཅུ་གཅིག་མཉམ་ཞུགས་ཀྱིས་སྤེལ་ཡོད་འདུག ཉིན་འདིར་ཡང་སུད་སི་ཇི་ནི་ཝར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ (more…)

འཇར་མན།

འཇར་མན་གྱི་ཕྱིར་བསྐྱོད་ལག་ཁྱེར་ནི་འཛམ་གླིང་གི་ལག་ཁྱེར་ཨང་དང་པོ་ཆགས་འདུག

ཉེ་ཆར་དབྱིན་ལན་གྱི་མི་སེར་གནས་སྤོར་ཞིབ་འཇུག་ཁང་The Henly & Partnersཟེར་བའི་༢༠༡༦ ལོའི་འཛམ་གླིང་རྒྱལ་ཁབ་༢༡༩ ཡི་ཕྱིར་བསྐྱོད་ལག་ཁྱེར་གྱི་ཚད་འཛིན་ཨང་རིམ་(Visa Restrictions Index 2016)ལ་ཞིབ་འཇུག་བྱས་བའི་གྲུབ་དོན་སྙན་ཐོ་གསར་བ་ཞིག་བཏོན་ཡོད་པ་ལྟར་ན། འཇར་མན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ནི་རྒྱལ་ཁབ་༡༧༧ ནང་དུ་བསྐྱོད་པར་ཐོངས་མཆན་ཞུ་མི་དགོས་བར་ཐད་ཀར་འགྲོ་ཆོག་པའི་ལག་ཁྱེར་ཆགས་ཡོད་པས་ལོ་གཉིས་བསྟུན་མར་ཨང་དང་པོ་ཡིན་པ་དང་། ཨང་གཉིས་པ་ནི་ཡོ་རོབ་སིད་ཊན་རྒྱལ་ཁབ་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༦ ནང་དུ་བསྐྱོད་པར་ཐོངས་མཆན་ཞུ་མི་དགོས་བ་རེད། ཨང་གསུམ་པ་ནི་ཡོ་རོབ་རྒྱལ་ཁབ་ཧྥིན་ལན་ཊིFinland དང་ཧྥ་རན་སི། ཨིས་ཊ་ལིས། སི་པན། དབྱིན་ལན་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༥ ལ་ཐོངས་མཆན་ཞུ་མི་དགོས་བ་དང་། ཨང་བཞི་བ་ནི་སྤེལ་ལྗམ་དང་ཧོ་ལན་ཊི། ཊན་མག ཨ་རི་བཅས་ཀྱི་ཕྱིར་བསྐྱོད་ལག་ཁྱེར་ཡིན་ལ་རྒྱལ་ཁབ་༡༧༤ལ་བསྐྱོད་པར་ཐོངས་མཆན་དགོས་ཀྱི་མེད་པ་རེད། ཨང་ལྔ་བ་ནི་ཨོ་སི་ཁྲི་རེའི་ཡ་དང་འཇར་པན་ཡིན་ལ་རྒྱལ་ཁབ་༡༧༣ ནང་བསྐྱོད་པར་ཐོངས་མཆན་ཞུ་དགོས་ཀྱི་མེད། ཨང་དྲུག་པ་ནི་ཁ་ན་ཊ་དང་ཀོ་རིའི་ཡ།

འཇར་མན་སྲིད་བློན་ལྕམ་ཨན་ཇི་ལ་མར་ཁེལ་ལ་རྒྱབ་སྐྱོར་གྱི་ཚད་མར་ཟགས་འདུག

ཁ་སང་ཚེས་༣༠ཉིན། འཇར་མན་༼Focus༽ དུས་དེབ་ཀྱིས་དམངས་ཁྲོད་དུ་བསམ་ཚུལ་བསྡུས་བ་ལྟར་ན། འཇར་མན་ནང་གི་མི་བརྒྱ་ཆའི་བཞི་བཅུ་ཙམ་གྱིས་སྲིད་བློན་ཨན་ཇི་ལ་མར་ཁེལ་ལགས་འཇར་མན་སྲིད་བློན་ནས་དགོངས་པ་ཞུ་དགོས་བའི་བསམ་ཚུལ་བྱུང་ཡོད་ལ། དེའི་རྒྱུ་མཚན་ནི་ན་ནིང་ཨན་ཇི་ལ་མར་ཁེལ་གྱིས་འཇར་མན་ནང་སྐྱབས་བཅོལ་བ་མི་གྲངས་ས་ཡ་གཅིག་ལྷག་ཙམ་སླེབས་ཏུ་བཅུག་ཡོད་ལ། སྐྱབས་བཅོལ་བ་ཚོས་འཇར་མན་ནང་དཀའ་རྙོག་མང་པོ་བཟོས་ཡོད་པས་ལྕམ་ཨན་ཇི་ལ་མར་ཁེལ་གྱིས་སྐྱབས་བཅོལ་ཐོག་འཛིན་པའི་སྲིད་ཇུས་ལ་འདོད་བློ་མ་ཁེངས་བའི་རྐྱེན་གྱིས་ཡིན་འདུག་ལ། (more…)

Top